წინასაარჩევნო კამპანიის ფარგლებში პარტია რეფორმერი მოსახლეობასთან შეხვედრებს აგრძელებს. პარტიის თავმჯდომარე, თორნიკე ჯანაშვილი და ვაკის რაიონის მაჟორიტარი დეპუტატობის კანდიდატი, მაია კუკავა ვაკის რაიონის მოსახლეობასთან შეხვედნენ.

რეფორმერის ლიდერები ადგილობრივების პრობლემებს გაეცნენ და მათი გადაჭრის გზებზე ისაუბრეს. თორნიკე ჯანაშვილმა ამომრჩევლებს პარტია რეფორმერის ხედვები, სამოქმედო პროგრამა და სამომავლო გეგმები გააცნო.

"რეფორმერი აგრძელებს წინასაარჩევნო კამპანიას. დღეს გვქონდა შეხვედრები ვაკის რაიონში. ჩვენ, კიდევ ერთხელ, წარვადგინეთ ჩვენი მაჟორიტარი დეპუტატობის კანდიდატი მაია კუკავა. მოსახლეობამ ყურადღება გაამახვილა იმ ინფრასტრუქტურულ პრობლემებზე, რაც ადგილობრივებს აქვთ. მოვისმინეთ მათი ხედვა ქვეყნის განვითარებასთან დაკავშირებით, გავაცანით ჩვენი ხედვები, პარტიის საარჩევნო პროგრამა და სამომავლო გეგმები. მოქალაქეებს დიდი ინტერესი აქვთ ახალი პარტიის მიმართ. ცვლილებების დროა, ქვეყანაში უნდა გატარდეს ძირეული ფუნდამენტური რეფორმები. ჩვენ ერთად შევქმნით ქვეყნის უკეთეს მომავალს დღეს", — განაცხადა თორნიკე ჯანაშვილმა.

რეფორმერი ამომრჩეველთან შეხვედრებს დადგენილი რეგულაციებითა და ნორმების დაცვით მართავს.