ქალაქ სტამბულში უეცრად დაცემული ტემპერატურისა და დიდთოვლიანობის გამო უამრავ უსახლკარო ძაღლს შეექმნა საფრთხე.

ადგილობრივებმა ეს ამბავი გულთან ახლოს მიიიტანეს და ცხოველებს თავად შეუქმნეს პატარა თავშესაფრები, სადაც მათ სითბო და საკვები დახვდებოდათ.

ფოტო: Ali Çelik

საშინელი ყინვის დროს თურქეთის მოქალაქე ალი ჩელიქი სამსახურიდან ბრუნდებოდა, როდესაც ერთ-ერთი სუპერმარკეტის წინ მოწყობილ პატარა "დასახლებას" წააწყდა. ცხოველებს მუყაოს ყუთებისგან გაკეთებულ სახლებში ეძინათ, წინ კი საჭმლით სავსე ჭურჭელი ელაგათ.

ფოტო: Facebook/Arzu Inan

იდეა მალევე აიტაცეს სტამბულის მოქალაქეებმა და თითქმის ყველა სუპერმარკეტთან მოეწყო პატარა თავშესაფრები უსახლკარო ძაღლებისათვის.

"არ დაგავიწყდეთ, რომ მხოლოდ ნამდვილი სიყვარული ათბობს" - წერდა ფოტოების ერთ-ერთი ავტორი არზუ ინანი საკუთარ ფეისბუქზე და მართლაც ასეა, სასიამოვნოა იმის ცოდნა, რომ ზამთრის საშინელი ამინდების დროს უსახლკარო ცხოველებსაც აქვთ თავშესაფარი.