საქართველოს მესამე პრეზიდენტმა, მიხეილ სააკაშვილმა ქართული ოცნების თავმჯდომარეს, ბიძინა ივანიშვილს "უდღეური" უწოდა და გააფრთხილა, რომ არჩევნები არ გააყალბოს. ამის შესახებ მიხეილ სააკაშვილმა ზუგდიდში ნაციონალური მოძრაობა — ძალა ერთობაშიას მაჟორიტარობის კანდიდატის, მალხაზ ჯალაღონიას წარდგენაზე განაცხადა.

"მინდა ვუთხრა ივანიშვილს — შე უდღეურო, ხელი არ წაგიცდეს გაყალბებაზე, ხელი არ წაგიცდეს, შენი ქურდული ხელი, ქართველი ხალხის თავისუფლების მოპარვაზე", — განაცხადა ექსპრეზიდენტმა.

სააკაშვილის თქმით, ივანიშვილი "დიდი გაყალბებისთვის" ემზადება, ის კი ამ გაყალბების შესაჩერებლად და "დიდი გამარჯვებისთვის".

საქართველოში საპარლამენტო არჩევნები 31 ოქტომბერს გაიმართება.