ზუგდიდში, საქართველოს ბანკში შეირაღებულ თავდამსხმელს უკვე 6 საათია მძევლები ჰყავს აყვანილი. შსს-ს განცხადებით, ინფორმაცია თავდასხმის შესახებ, 14:21 საათზე მიიღეს.

ამ დრომდე ადგილზე მობილიზებულია პოლიცია და სპეცდანიშნულების რაზმები. უწყების ცნობით, აქტიურად მიმდინარეობს მოლაპარაკებები.

დაუზუსტებელი ინფორმაციით, შენობაში 15 ან 16 მძევალია დარჩენილი, რადგან, სავარაუდოდ, 2 თავდამსხმელმა გაათავისუფლა. მანამდე ვიდეოზარისას ერთ-ერთი მძევალი ამბობდა, რომ სულ 18 არიან.

თავდამსხმელი ნახევარ მილიონ დოლარს, ასევე, ვერტმფრენს ან მანქანით, მძევლებთან ერთად ტერიტორიის უსაფრთხოდ დატოვების გარანტიას ითხოვს. ის მძევლის შუამავლობით ტელევიზიებს ვიდეოზარით ეკონტაქტებოდა. კადრების მიხედვით, შენობაში მყოფთაგან არავინ იყო დაჭრილი.

მომხდარზე გამოძიება სისხლის სამართლის კოდექსის 179-ე, 236-ე და 144-ე მუხლებით დაიწყო. ეს მუხლები გულისხმობს ყაჩაღობას, ცეცხლსასროლი იარაღის მართლსაწინააღმდეგო შეძენა-შენახვა-ტარებას და მძევლად აყვანას.

გაიგეთ მეტი: