გალერია თბილისში მცირედი აალების გამო ევაკუაცია გამოცხადდა, თუმცა 10 წუთში მომხმარებლები შენობაში დააბრუნეს. ამის შესახებ ინფორმაცია On.ge-ს თბილისი გალერიაში დაუდასტურეს. მათი თქმით, მიზეზი სავაჭრო ცენტრის ჰაერსატარში მოხვედრილი ნაკვერჩხალი იყო, რომელმაც მცირედი აალება გამოიწვია.

"დაზიანდა ერთ-ერთი რესტორნის გამწოვი სისტემა. რესტორნის პიცის საცხობი ბუხრიდან ნაკვერჩხალი მოხვდა სავაჭრო ცენტრის ჰაერსატარში, რამაც გამოიწვია მცირედი აალება. ჩვენმა ტექნიკურმა სამსახურმა დაუყოვნებლივ ჩააქრო ალი. სანამ დაზუსტდებოდა დეტალები, სწრაფ რეჟიმში მოხდა სავაჭრო ცენტრში მყოფი მომხმარებლების ევაკუაცია. თუმცა, იქიდან გამომდინარე, რომ არანაერი საფრთხე შენობაში არ არის, ისინი 10 წუთში კვლავ დაბრუნდნენ შენობაში", — აღნიშნავენ თბილისი გალერიაში