დღეს, 21 ოქტომბერს, ევროპული საქართველოს ორგანიზებით, თბილისსა და რეგიონებში ავტომობილებით აქცია "დაუპიპინე ბიძინას" იმართება.

ავტომობილების აქცია უკვე დაიწყო საქართველოს დიდ ქალაქებში. ავტომობილები თბილისისკენ მოემართებიან და სიგნალებით ანიშნებენ ბიძინა ივანიშვილს, რომ მისი დრო ამოიწურა.

ევროპული საქართველოს საარჩევნო შტაბის ხელმძღვანელის, სერგი კაპანაძის თქმით, თავისუფლების მოედანზე ავტომობილების სიგნალებით კარგად ისმის რა მძიმე მდგომარეობა მოიტანა ბიძინა ივანიშვილის ხელისუფლებამ.

"ის, თუ როგორი ეკონომიკური მდგომარეობაა, კარგად ისმის თავისუფლების მოედანზე. ამდენი ადამიანი იმისთვის გამოვიდა, რომ ივანიშვილს სიგნალი მისცეს, თავისი პროტესტი დააფიქსიროს იმ მძიმე მდგომარეობაზე, რომელიც მოიტანა ივანიშვილმა. ეს ხმაური იმის გარანტიაა, რომ 31 ოქტომბერს ივანიშვილის რეჟიმი დასრულდება", — განაცხადა კაპანაძემ.