დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის ხელმძღვანელის მოადგილე, პაატა იმნაძე ამბობს, რომ საქართველოში ახალ კორონავირუსის პირველი ტალღაა, რომელიც მთელ მსოფლიოში გაზაფხულზე იყო. ამის შესახებ მან TV პირველის ეთერში ისაუბრა.

"ბევრჯერ მაქვს ნათქვამი, რომ პირველი ტალღა ჩვენს ქვეყანაში არც ყოფილა-მეთქი. მაგრამ რატომ არ იყო პირველი ტალღა? იმიტომ, რომ დროულად მოხდა ყველაფერი იმის გაკეთება, რაც სხვა ქვეყნებმა გვიან გააკეთეს და ვერ აიცილეს პირველი ტალღა. ჩვენ გავაკეთეთ დროულად და ამხელა ფორმა მოგვეცა", — აცხადებს იმნაძე.

იმნაძის თქმით, ქვეყნის გახსნის პირობებში კორონავირუსის შეკავება რთულდება და შემთხვევები მზარდი იქნება. მისივე განმარტებით, შემთხვევათა პიკი ნოემბერშია მოსალოდნელი.

19 ოქტომბრის მონაცემებით, საქართველოში კორონავირუსის 1 186 ახალი შემთხვევა გამოვლინდა. გასული დღე-ღამის განმავლობაში 278 პაციენტი გამოჯანმრთელდა, ხოლო 7 გარდაიცვალა.

სულ ქვეყანაში 18 663 შემთხვევაა დაფიქსირებული. ამათგან 8 338 პაციენტი გამოჯანმრთელდა და 136 გარდაიცვალა. კარანტინის რეჟიმშია 6 407 ადამიანი, სტაციონარში მეთვალყურეობის ქვეშ — 836; კოვიდ სასტუმროში მყოფი პირები — 1420.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: