"იყავით პოზიტიურები, არ მოიტყუოთ, არ შეიყვანოთ საზოგადოება შეცდომაში," — ასე უპასუხა თბილისის მერმა, კახა კალაძემ ჟურნალისტის კითხვას იმის შესახებ, რომ საზოგადოებრივ ტრანსპორტში პირბადის ტარების წესი ირღევა.

კალაძემ ეს განცხადება იპოდრომის ტერიტორიაზე დღეს დაწყებული სამუშაოების დათვალიერებისას გააკეთა.

19 ოქტომბრის მონაცემებით, საქართველოში კორონავირუსის 1 186 ახალი შემთხვევა გამოვლინდა. გასული დღე-ღამის განმავლობაში 278 პაციენტი გამოჯანმრთელდა, გარდაიცვალა — 7.

სულ ქვეყანაში 18 663 შემთხვევაა დაფიქსირებული. ამათგან 8 338 პაციენტი გამოჯანმრთელდა და 136 გარდაიცვალა. კარანტინის რეჟიმშია 6 407 ადამიანი, სტაციონარში მეთვალყურეობის ქვეშ — 836; კოვიდ სასტუმროში მყოფი პირები — 1 420.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: