2017 წლის 22 ნოემბერს ეკრანებზე აგატა კრისტის დეტექტივის ეკრანიზაცია გამოვა. ფილმის მკვლელობა აღმოსავლეთის ექსპრესში ახალ ვერსიაში ჰოლივუდის ნამდვილი თანავარსკვლავედი მოიყრის თავს, მათ შორის: პენელოპე კრუზი, ჯონი დეპი, ჯუდი დენჩი, მიშელ ფაიფერი და კენეტ ბრანა. ამ არაჩვეულებრივ სამსახიობო ანსამბლს სულ ცოტა ხნის წინ უილიამ დეფოც შეუერთდა.

1974 წელს გადაღებულ ფილმის პირველ ვერსიაში ვარსკვლავების მთელმა არმიამ მოიყარა თავი. მაყურებლებს კარგად ახსოვთ არაჩვეულებრივი სცენები ინგრიდ ბერგმანის, ლოურენ ბეკოლის, ვანესა რედგრეივის, შონ კონერისა და ჟაკლინ ბისეს მონაწილეობით.