ეკონომიკის მინისტრის, ნათია თურნავას განცხადებით, ევროპარლამენტარი ანდიურს კუბილიუსი აქაური პოლიტიკური პარტიების სპეკულაციურ ნარატივს იმეორებს. ამის შესახებ მან მთავრობის სხდომის შემდეგ განაცხადა.

"ძალიან სამწუხაროა, რომ ბატონი კუბილიუსი, როგორც ჩანს, დეზინფორმირებულია და აქაური პოლიტიკური პარტიების სპეკულაციურ ნარატივს იმეორებს", — აღნიშნა მინისტრმა.

ლიეტუვის ყოფილმა პრემიერმინისტრმა და ევროპარლამენტის წევრმა, ანდრიუს კუბილიუსმა აზერბაიჯანთან საზღვრის დელიმიტაციის საქმეზე ბრალდებულების დაკავებას სასაცილო უწოდა. კუბილიუსმა ტვიტერზე დაწერა, რომ ეს მაშინ ხდება, როცა ქართული ოცნება ოპოზიციას რეალური პრობლემებიდან ყურადღების გადატანაში ადანაშაულებს.