ქარიშხალმა დელტამ ყველა ძალიან შეაშფოთა, მათ შორის რიკარდო პიმენტელი. ის ცხოველთა თავშესაფარში, Tierra de Animales-ში, მუშაობს. ქარიშხლის დროს რიკარდომ ყველაფერი ქნა საიმისოდ, რომ ცხოველები სტიქიური უბედურების დროს უსაფრთხოდ ყოფილიყვნენ.

უზარმაზარმა ქარიშხალმა მექსიკაში უამრავი ადამიანი დააზიანა. ის 5 ოქტომბერს ფორმირდა და 12 ოქტომბერს გაიფანტა. გარკვეულ მომენტში დელტა 230 კმ/ს სიჩქარითაც კი მოძრაობდა და ის ერთ-ერთი ყველაზე დიდი ქარიშხალია, რომელიც აშშ-ს შეხებია.

რიკარდოს კარგად ესმოდა, რომ თავშესაფარში ყველა ცხოველი ვერ დაეტეოდა, ვერც შენობა გაუძლებდა ამ ზომის ქარიშხალს, ამიტომ მან ძაღლები, კატები და სხვა ცხოველები თავის სახლში წაიყვანა. ქარიშხლის დროს მასთან დაახლოებით 300 ცხოველი იყო. რიკარდოს ცხოველებისთვის წინასწარ ჰქონდა მომარაგებული ბევრი საჭმელი და სხვა საჭიროებები, ამიტომ ყველაფერმა მშვიდად ჩაიარა.

ფოტო: tierradeanimales

"ამ 300 ძაღლიდან, რომელიც ჩემს სახლში წავიყვანე, ზოგი უკვე ცხოვრობდა Tierra de Animales-ში. საქმე, უბრალოდ, ისაა, რომ ყველა ძაღლისთვის არ გვაქვს ისეთი თავშესაფარი, რომელიც ქარიშხალს გაუძლებს, ამიტომ მათ გადასარჩენად მათი ჩემს სახლში შეფარება გადავწყვიტეთ", — განუცხადა რიკარდომ Bored Panda-ს.

ფოტო: tierradeanimales

"მეტეოროლოგიური მოვლენის დროს ისინი მთელი ღამის განმავლობაში კარგად იქცეოდნენ. ყველა მათგანი დაკოდილი, აცრილი და დეჰელმინთიზირებულია (ჭიებისგან თავისუფალი) და ყველა მზადაა იმისთვის, რომ აიყვანონ", — თქვა რიკარდომ.

რიკარდო მთელი ცხოვრებაა, ცხოველების გადარჩენითაა დაკავებული, ჯერ კიდევ ბავშვობიდან მოყოლებული. Tierra de Animales მან 9 წლის წინ დააარსა და თავშესაფარი ძაღლების გარდა ასევე იფარებს კატებს, კუებს, იგუანებს, ძროხებს, ცხვრებს, თხებს, ღორებს, ცხენებს, ვირებსა და ა.შ.

"მუშაობას იმ ადამიანების დახმარებით ვაგრძელებთ, რომლებიც მთელი მსოფლიოდან გვწირავენ ყველაფერს, რაც შეუძლიათ. ცხადია, ქარიშხალი დელტას მიერ მოყენებული ზიანის შემდეგ კიდევ უფრო მეტი დახმარება გვჭირდება, განსაკუთრებით იმიტომ, რომ ცხოველებისთვის უფრო მეტი და უკეთესი თავშესაფრების აგება გვჭირდება", — დაამატა რიკარდომ.

ფოტო: tierradeanimales