ტელეკომპანია ფორმულას დაკვეთით ჩატარებული Edison Research-ის კვლევის მიხედვით, კითხვაზე, " საქართველოს მომავალზე რომ დაფიქრდეთ, კოალიციური მთავრობა გირჩევნიათ თუ ერთპარტიული მთავრობა?" მოსახლეობის 70% ფიქრობს, რომ კოალიციური მმართველობა უმჯობესია, ხოლო 30% კი თვლის, რომ ერთპარტიული.

ფოტო: კადრი ვიდეოდან/ფორმულა

ფორმულას ინფორმაციით, საზოგადოებრივი აზრის გამოკითხვა 17 სექტემბერი — 7 ოქტომბრის პერიოდში, პირისპირ გამოკითხვის მეთოდით ჩაატარა. კვლევის ფარგლებში ქვეყნის მასშტაბით (გარდა ოკუპირებული ტერიტორიებისა) შემთხვევითი შერჩევის ტიპით გამოიკითხა საქართველოში მცხოვრები საარჩევნო უფლების მქონე 18 წლისა და მეტი ასაკის 4 500 ადამიანი. შედეგების ცდომილება + - 1,5%-ია.