Aris.ge-ს ინფორმაციით, განათლების მინისტრმა ალექსანდრე ჯეჯელავამ 2017 წლისთვის საჯარო სკოლებში გაზაფხულის, ზაფხულისა და ზამთრის არდადეგების, ასევე სასწავლო წლის დაწყების თარიღები უკვე განსაზღვრა.

სასწავლო წლის დაწყების თარიღად 15 სექტემბერი განისაზღვრა, ხოლო დასრულების თარიღად – 15 ივნისი.

იმ შემთხვევაში, თუ 15 სექტემბერი დაემთხვევა უქმე ან დასვენების დღეს, სასწავლო წელი დაიწყება 15 სექტემბრის შემდგომ პირველ სამუშაო დღეს, ხოლო თუ 15 ივნისი ემთხვევა დასვენების დღეს, სასწავლო წლის დასრულების თარიღად განისაზღვრება 15 ივნისის წინა პარასკევი.

პირველი კლასის მოსწავლეებისათვის სასწავლო წელი 27 მაისს დასრულდება, ხოლო დამამთავრებელი კლასის მოსწავლეებისთვის - 20 მაისს.

არდადეგების განრიგი ასე გადანაწილდა:

  • ზამთრის არდადეგები - 30 დეკემბერიდან 15 იანვრამდე;
  • საგაზაფხულო არდადეგები - 8 მარტიდან 15 მარტამდე;
  • ზაფხულის არდადეგები - 15 ივნისიდან 15 სექტემბრამდე.