საქართველოს პროკურატურის განცხადებით, მუხთარლის თავიდან დაკითხვა აღარ იგეგმება, რადგან მათი მიმართვის საფუძველზე აფგან მუხთარლი გერმანიაში შესაბამისი სამსახურების მიერ უკვე გამოიკითხა, საქმის მასალები კი საქართველოში გამოიგზავნა და მიმდინარე სისხლის სამართლის მასალებს დაერთო.

მათივე თქმით, აფგან მუხთარლის საქმეზე მიმდინარე გამოძიების ფარგლებში, მუხთარლის გამოკითხვის შუამდგომლობით მისი ადგილსამყოფელის მიხედვით, სამართლებრივი დახმარებისთვის გერმანიის შესაბამის სამსახურებს 2020 წლის 24 მარტს მიმართა.

პროკურატურაში აცხადებენ, რომ აღნიშნული დაკითხვის ოქმი და შესაბამისი მასალები გერმანიიდან საქართველოს პროკურატურაში 2020 წლის 1 ოქტომბერს გამოიგზავნა და დაერთო სისხლის სამართლის საქმეს და სისხლის სამართლის საქმეზე გამოძიება გრძელდება.

On.ge ცდილობს გაარკვიოს, გამოიკითხება თუ არა მუხთარლი საქართველოში ჩამოსვლის შემდეგ.