ევროპული საქართველოს ქუთაისის მაჟორიტარი დეპუტატობის კანდიდატი, ოთარ კახიძე, 2020-21 წლის ბიუჯეტის პროექტს აფასებს.

კახიძემ აღნიშნა, რომ ამ შემთხვევაში, ქართული ოცნების მიერ ინიცირებულ ბიუჯეტის პროექტს არანაირი დატვირთვა არ აქვს, რადგან მომავალ ბიუჯეტს კოალიციური პარლამენტი დაამტკიცებს, სადაც ქართული ოცნება ოპოზიციაში იქნება.

"მინდა შევახსენო საზოგადოებას, რომ 2016 წელს, არჩევნებამდე, ქართულმა ოცნებამ წარადგინა ცრუ ბიუჯეტი პარლამენტში, სადაც დაუმალა ამომრჩეველს, რომ აპირებდნენ გადასახადების გაზრდას და მერე, არჩევნების შემდგომ, უკვე წარადგინეს ახალი ბიუჯეტი, სადაც გაზარდეს საწვავზე და ნავთობ პროდუქტებზე აქციზის გადასახადი, გაუძვირეს საწვავი მოსახლეობას და ჩვეულ სტილში მოატყუეს ჩვენი საზოგადოება.

ამიტომ, ამ ბიუჯეტს არანაირი დატვირთვა არ აქვს, რა ბიუჯეტის პროექტიც არ უნდა წარადგინონ. სახლემწიფო ბიუჯეტს დაამტკიცებს მომავალი კოალიციური პარლამენტი, რომელშიც ქართული ოცნება იქნება ოპოზიციაში და მათ მოუწევთ ამასთან შეგუება. შემდეგი ბიუჯეტი კი ორიებტირებული იქნება არა მთავრობის კეთილდღეობაზე, არამედ ხალხის საჭიროებებზე", — აცხადებს კახიძე.