ეუთოს საპარლამენტო ასამბლეის პრეზიდენტი, ევროპული საქართველოს ერთ-ერთი ლიდერი, გიგი წერეთელი, რუსეთის მხრიდან ჟენევის მოლაპარაკებების ჩაშლას ეხმაურება.

წერეთლის თქმით, რუსეთი ცდილობს, არ იყოს კონსტრუქციული იმ ფორმატში, სადაც საქართველოსთან ერთად მოლაპარაკებებში ჩართულნი არიან საერთაშორისო პარტნიორები.

წერეთელმა აღნიშნა, რომ რუსეთი ჯიუტად აგრძელებს თავის სტრატეგიას არ აღიაროს საკუთარი როლი ამ კონფლიქტში.

"რუსეთი მუდმივად ცდილობს, რომ ჟენევის მოლაპარაკებების ფორმატში არ იყოს კონსტრუქციული მუშაობა. იქ, სადაც საქართველოს საერთაშორისო პარტნიორებღან ერთად, ეუთოსთან, ამერიკის შეერეთებულ შტატებთან, ევროკავშირთან აქვს საშუალება რუსეთს პირდაპირ ელაპარაკოს. ჩართულები არიან დე-ფაქტო ხელისუფლების წარმომადგენლებიც. თუმცა, რუსეთი ჯიუტად აგრძელებს თავის სტრატეგიას, რომ არ შედგეს მოლაპარაკება და არ აღიაროს ამ კონფლიქტში თავისი როლი, არ მოაწეროს ხელი ძალის გამოუყენებლობას, არ შეუწყოს ხელი დევნილების დაბრუნებას და ეს მცდელობები სახეზეა. კიდევ ერთი ჩაშლილი მოლაპარაკება იმის გამო, რომ რუსეთი არ გამოცხადდა საერთოდ და ყველა მიზეზს პოულობს იმისათვის, რომ რაიმე კონსტრუქციული ნაბიჯი არ იყოს გადადგმული", — აცხადებს წერეთელი.