დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

აჭარის ავტონომიური რესპუბლიკის ჯანდაცვის მინისტრი, ნინო ნიჟარაძე ამბობს, რომ აჭარაში შეზღუდვების მოხსნა ჯერ არ განიხილება. მისივე თქმით, რეგიონში დაწესებული შეზღუდვები მინიმალურია და გათვალისწინებულია როგორც მოსახლეობის ეკონომიკური მდგომარეობა, ისე მათი აქტივობა და მობილობის მინიმუმამდე შემცირება.

"ამ ყველა ფაქტორის გათვალისწინებით, შედარებით მსუბუქი ხასიათის შეზღუდვა დაწესდა, მაგრამ ამ ეტაპზე შეზღუდვის მოხსნა არ განიხილება, რადგან ეს შემთხვევების რაოდენობა და არსებული ეპიდემიოლოგიური ვითარება ამის საშუალება არ იძლევა", — განაცხადა ჟურნალისტებთან ნინო ნიჟარაძემ.

აჭარაში სასწავლო პროცესი კვლავ დისტანციურად მიმდინარეობს. საღამოს ათი საათის შემდეგ ყველა კვების ობიექტის მუშაობა წყდება. ამასთან, შეზღუდულია რეგიონში საქალაქთაშორისო საზოგადოებრივი ტრანსპორტით გადაადგილება.

6 ოქტომბერს საქართველოში კორონავირუსის 549 ახალი შემთხვევა დადასტურდა. 268 —გამოჯანმრთელდა. გარდაიცვალა 4 ადამიანი.

სულ კორონავირუსის 9 245 შემთხვევაა დადასტურებული. აქედან, 4 887 ადამიანი უკვე გამოჯანმრთელდა. გარდაიცვალა — 58.

ამ დროისთვის კარანტინის რეჟიმში 5 392 ადამიანი იმყოფება, სტაციონარში მეთვალყურეობის ქვეშ კი — 836. კოვიდ სასტუმროში 1 100 პირი მკურნალობს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: