გორის კომბინატის დასახლებაში 60-მდე ადამიანი მოიწამლა. ადგილობრივები მოწავლას წყალს აბრალებენ.

როგორც გორის კლინიკა იავნანას კრიტიკული მედიცინის დეპარტამენტის ხელმძღვანელმა, ლია ლაზარაძემ On.ge-ს უთხრა, დილიდან 10-მა პაციენტმა მიმართა ემერჯენსის განყოფილებას.

რაც შეეხება გუშინდელ შემთხვევებს, გუშინ კლინიკას 46-მა პაციენტმა მიმართა, მათგან ემერჯენსის განყოფილებაში გატარდა 23 პაციენტი, რომელთაც დახმარება აღმოუჩინეს და უკვე გაწერეს. ექიმის ინფორმაციით, ამ დროისთვის პედიატრიულ განყოფილებაში 16 პაციენტი მკურნალობს.

როგორც ლია ლაზარაძე ამბობს, პაციენტებს სიმპტომები, დაახლოებით, ერთნაირი აქვთ — გულისრევა, პირღებინება, მუცლის ტკივილი და დაბალი ტემპერატურა. მისივე თქმით, ამ ეტაპზე ზუსტი დაავადება და გამომწვევი მიზეზები დაუდგენელია.

On.ge გაერთიანებული წყალმომარაგების კომპანიას დაუკავშირდა, სადაც გვითხრეს, რომ ამ ეტაპისთვის წყლის სინჯები აღებული აქვთ შემდეგი ქუჩებიდან — გორგასალი; ფალიაშვილი; გრიბოედოვი; შინდისი; თარხნიშვილი; ბაქო. ამ ეტაპისთვის აგრძელებენ კონკრეტული ოჯახებიდან სინჯების აღება. მიმდინარეობს უკვე აღებული სინჯების ლაბორატორიული შემოწმება და დღის ბოლოსთვის პირველადი პასუხები უკვე ეცოდინებათ. ჯერჯერობით არ ადასტურებენ, მოწმავლა წყალმა გამოიწვია თუ არა.