საქართველოს ჯანდაცვის მინისტრის, ეკატერინე ტიკარაძის განცხადებით, მოსახლეობის გაზრდილი სურვილის გამო, სახელმწიფო დამატებითი რაოდენობის გრიპის ვაქცინებს შეიძენს. ამის შესახებ მან საკოორდინაციო საბჭოს დასრულების შემდეგ გამართულ ბრიფინგზე ისაუბრა.

"ვაქცინა, რა თქმა უნდა, არის შეძენილი. ჩვენ კიდევ ვზრუნავთ იმაზე, რომ შევიძინოთ დამატებითი რაოდენობა ვაქცინის, ვინაიდან ვხედავთ, რომ მოსახლეობაში გაზრდილი არის როგორც ნდობა, ასევე სურვილი იმის, რომ ისინი იყვნენ აცრილები და შემდეგი ერთი კვირის მანძილზე ჩვენ უკვე ველოდებით, რომ ვაქცინის პირველი ნაწილი იქნება ქალაქში და დავიწყებთ მოსახლეობის ვაქცინაციას", — განაცხადა ტიკარაძემ.

მისივე თქმით, სახელმწიფო, საერთო ჯამში, შეიძენს 250 000-ზე მეტ გრიპის ვაქცინას.