თბილისში, თემქაზე, ერთ-ერთ კორპუსში ორი ადამიანი გარდაცვლილი იპოვეს. არსებული ინფორმაციით, შესაძლოა, მიზეზი ბუნებრივი გაზით ინტოქსიკაცია იყოს, თუმცა ეს ჯერ ოფიციალურად არ დასტურდება.

როგორც On.ge-ს შინაგან საქმეთა სამინისტროში განუცხადეს, მომხდარზე გამოძიება საქართველოს სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. აღსანიშნავია, რომ შსს-ს პრაქტიკის მიხედვით, როცა სხვა გარემოებები უცნობია, გამოძიება თავდაპირველად ამ მუხლით იწყება, შემდეგ კი იცვლება.