ექსპრეზიდენტის, მიხეილ სააკაშვილის მიერ მთავარი არხის ეთერში მთიან ყარაბაღზე გაკეთებული განცხადების გასაპროტესტებლად მოქალაქეებმა ტელეკომპანიასთან აქცია გამართეს. მთავარი არხის ინფორმაციით, შეკრებილები ეთნიკური სომხები იყვნენ.

ორ მეზობელ ქვეყანას შორის მიმდინარე კონფლიქტისას სააკაშვილმა განაცხადა, რომ ყარაბაღი აზერბაიჯანის განუყოფელი ნაწილია და ამას ვერაფერი შეცვლის. აღნიშნული განცხადების გამო მიხეილ სააკაშვილს ერევნის უნივერსიტეტის საპატიო დოქტორის წოდება ჩამოართვეს.

არაიკ არუთინიანმა ჯერ კიდევ გუშინ, 30 ოქტომბერს დაწერა საკუთარ ფეისბუქგვერდზე, რომ აპირებდა მიემართა ერევნის უნივერსიტეტის აკადემიური საბჭოსთვის, რათა მიხეილ სააკშვილისთვის საპატიო დოქტორის წოდება ჩამოერთვათ. მიზეზად სომხეთის განათლების მინისტრი ექსპრეზიდენტის მხრიდან აზერბაიჯანის წახალისებისა და არაპირდაპირ მხარდაჭერას ასახელებს. არუთინიანის თქმით, ეს სომეხი ხალხის იდენტობის, ცხოვრებისა და სიცოცხლის უფლების წინააღმდეგაა მიმართული.