დიდუბე-ჩუღურეთის მაჟორიტარი დეპუტატობის კანდიდატებმა,არჩევნებზე ხმების დაცვისა და დარღვევების შემთხვევაში ინფორმაციის გაცვლის მემორანდუმს ხელი მოაწერეს.

ანა დოლიძის თქმით, სხვადასხვა პარტიებმა და დამოუკიდებელი მაჟორიტარი დეპუტატობის კანდიდატებმა ერთ ოლქში, მიუხედავად მათი განსხვავებული მსოფლმხედველობებისა და ფასეულობებისა, გაერთიანდნენ. მისივე თქმით, დღეს აბსოლუტურად განსხვავებული ფასეულობების და შეხედულებების პოლიტიკოსები პირველად საქართველოს ისტორიაში, ერთ ოლქში შეიკრიბნენ და გაერთიანდნენ, რომ გაცვალონ ინფორმაცია და ინფორმაციის გაცვლის შედეგად მოახდინონ ქმედებების კოორდინირება.

დიდუბე-ჩუღურეთის მაჟორიტარობის კანდიდატები 2020 მემორანდუმს შეუერთდნენ:

  • ჩვენი საქართველო სოლიდარობის ალიანსი — გედევან ფოფხაძის შტაბის უფროსი მირიან ნიკოლაძე
  • გაერთიანებული ოპოზიცია — ზურაბ გირჩი ჯაფარიძე
  • თავისუფალი საქართველო — თენგიზ ომანიძე
  • გაჩეჩილაძე მწვანეთა პარტია — თამარ ჭიჭინაძე
  • პატრიოტთა ალიანსი — არჩილ ბენიძე
  • რეფორმერი — დავით შალუტაშვილი
  • დამოუკიდებელი კანდიდატი — გიორგი ქაჯაია

მემორანდუმის თანახმად: 2020 საპარლამენტო არჩევნების კამპანიის ფარგლებში უკანონობის გამოვლენის შემთხვევაში დავიცავთ როგორც ჩვენ, ასევე ჩვენი კონკურენტი მაჟორიტარი კანდიდატების უფლებებს, დარღვევების შესახებ მოვახდენ ინფორმაციის გაცვლას, შევიმუშავებთ თანამშრომლობის კონკრეტულ მექანიზმებს ჩვენი და სხვა კანდიდატების ამომრჩევლების ხმების დასაცავად და საარჩევნო მანიპულაციების გამოსარიცხად.

ამ პრინციპების აღსასრულებლად, ერთობლივი ძალით ვიმუშავებთ და გამოვიყენებთ, როგორც ქვეყანაში არსებულ სამართლებრივ შესაძლებლობებს, ასევე საერთაშორისო ორგანიზაციებს და სადამკვირვებლო მისიებს, რომელთა ერთ-ერთი რჩევა და რეკომენდაცია ქვეყნის განვითარებისთვის, არჩევნების დემოკრატიული პრინციპების დაცვით ჩატარებაა.