საქართველოში კორონავირუსით 79 წლის კაცი აჭარაში გარდაიცვალა, 82 წლის ქალი კი ქუთაისში.

აჭარის ჯანდაცვის სამინისტროს ინფორმაციით, კორონავირუსით გარდაცვლილი 36 ადამიანი, 79 წლის კაცია აჭარიდან.

უწყების ინფორმაციით, პაციენტი მკურნალობდა ბათუმის რესპუბლიკურ საავადმყოფოში. მას ჰქონდა, გულის ქრონიკული უკმარისობა, თირკმლის მწვავე უკმარისობა, გულის მწვავე უკმარისობა, ორმხრივი პნევმონია, სუნთქვის მწვავე უკმარისობა.
პაციენტის მდგომარეობა კლინიკაში შეყვანისთანავე შეფასდა რთულად. კლინიკაში გატარდა ყველა შესაბამისი ღონისძიება, დაავადებების სირთულიდან გამომდინარე, სამწუხაროდ, პაციენტის გადარჩენა ვერ მოხერხდა.

საქართველოში, კორონავირუსით გარდაცვლილი 35-ე პაციენტი კი 82 წლის ქალია.

პაციენტი მკურნალობის კურსს კლინიკა ქობულეთის ბომონდის კოვიდცენტრში გადიოდა.
82 წლის ქალი კლინიკაში 15 სექტემბერს, ქობულეთის ცენტრალური საავადმყოფო ბომონდი-დან მძიმე მდგომარეობაში, დადასტურებული კოვიდ 19-ით შემოიყვანეს ქუთაისის კლინიკა ბომონდში.

აკლინიკა ბომონდის კლინიკური მენეჯერი მამია ყიფიანის თქმით, პაციენტს ორმხრივ პნევმონიასთან ერთად სუნთქვის მწვავე უკმარისობა აღენიშნებოდა. ჰქონდა გულის იშემიური დაავადება და შაქრიანი დიაბეტი. იმყოფებოდა მართვით სუნთქვაზე. კლინიკაში შემოყვანის მომენტში მისი მდგომარეობა შეფასდა მძიმედ და ჩატარებული ღონისძიებების მიუხედავად, მისი გადარჩენა სამწუხაროდ ვერ მოხერხდა.