მსახიობი თამარ მაყაშვილი დამოუკიდებელ მაჟორიტარად საბურთალოზე კენჭს იყრის. როგორც მსახიობმა On.ge-სთან საუბარში აღნიშნა ის უკვე დარეგისტრირებულია. მისი თქმით, საარჩევნო კამპანიისთვის ფული არ სჭირდება და არ აპირებს ფლაერებში თანხის დახარჯვას.

"61 ნომრით ჩემს უბანში საბურთალოზე დამოუკიდებლად ვიყრი კენჭს. მჯერა რომ დავამსხვრევ სტერეოტიპებს, სულაც არ არის საჭირო არჩევნებისთვის მილიოების დახარჯვა, ამ მილიონებს ისევ ჩემს უბანს მოვახმარ. მე ამის მჯერა. ყოველგვარ დაფინანსებულ საარჩევნო კამპანიაზე უარს ვამბობ. არ მოვადუნებ არც მოსახლეობას და არც ხელისუფლებას. საბურთალოელები აქტიურად ჩაერთვებიან უბნისთვის საჭირო საქმეების გაკეთებაში, მთავრობას კი აუცილებლად მოუწევს მათზე ზრუნვა, რადგან არ მოვადუნებ. მე ამ სტილით არ ვაპირებ მონაწილეობის მიღებას, უარი ვთქვი ფლაერების დაბეჭდვაზე და აქამდე აპრობირებულ აქტივობებზე. მე არცერთ პარტიას არ წარმოვადგენ", — განაცხადა თამარ მაყაშვილმა.

თამარ მაყაშვილის თქმით, კენჭისყრა მას შემდეგ გადავწყვიტა, რაც მიხვდა, რომ წლები მიდის, მაგრამ არაფერი იცვლება. ამის შესახებ ინფორმაცია თავდაპირველად Primetime-მა გაავრცელა.