დაავადებათა კონტროლის ცენტრის დირექტორის, ამირან გამყრელიძის განცხადებით, აგვისტოს ბოლოს აჭარაში დაახლოებით 2 200 მასწავლებელი იმყოფებოდა და ტესტირებაზე მხოლოდ 1 011 მივიდა. მისი თქმით, შემოწმებულებიდან 7-ს კორონავირუსი დაუდასტურდათ. ის მოუწოდებს ყველა მასწავლებელს, რომელიც აჭარაში ამ პერიოდში იმყოფებოდა, გაიარონ უფასო ტესტირება.

"რატომღაც ისინი ოდნავ მოეშვნენ. ზაფხულში, განსაკუთრებით აგვისტოს მეორე ნახევარში, დაახლოებით 2 200 მასწავლებელი იმყოფებოდა აჭარაში და ისინი დაექვემდებარენ, საქართველოს ყველა რეგიონში გამოკვლევას. ამ 2 200-დან მივიდა გამოსაკვლევად მხოლოდ 1 011, ანუ 46% და 7 დადასტურება გვაქვს",— განაცხადა გამყრელიძემ.

მისი განმარტებით, მასწავლებლები უნდა დაუკავშირდენ მათი რეგიონის საზოგაოდებრივი ჯანდაცვის ცენტრს და ადგილზე გაიკეთონ ტესტი.

17 სექტემბრის მონაცემებით, კორონავირუსის 179 ახალი შემთხვევა დაფიქსირდა, აქედან 126 აჭარაში.

ქვეყანაში კორონავირუსის სულ 2 937 შემთხვევაა დადასტურებული. აქედან უკვე 1 422 გამოჯანმრთელდა, ხოლო 19 გარდაიცვალა.

ამ ეტაპისთვის კარანტინშია 6 633 ადამიანი, ხოლო სტაციონარში მეთვალყურეობის ქვეშ 836.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: