მელანია ტრამპს, სლოვენიაში ბრინჯაოს ძეგლი დაუდგეს. სლოვენია ამერიკის შეერთებული შტატების პირველ ლედის სამშობლოა და ძეგლი სწორედ მისი საცხოვრებელი ქალაქის მიმდებარედ გაიხსნა.

ახალი ძეგლი ძველი ხის ძეგლის მსგავსია და სწორედ ის ჩაანაცვლა. 2019 წლის ივლისში გახსნილ ძეგლს "საფრთხობელა" შეარქვეს, რომელიც კრიტიკოსების აზრით, მელანიას სრულებით არ ჰგავდა.

ხისგან გამოთლილ ადამიანის ზომის ძეგლს ცისფერი კაბა ეცვა — ისეთი, როგორიც მელანიას 2017 წელს, ქმრის, დონალდ ტრამპის ინაუგურაციაზე.

ფოტო: JIM WATSON / JURE MAKOVEC

ძეგლი მელანიას მშობლიურ ქალაქ სევნიცასთან იყო ახლოს და პირველი გახლდათ, რომელიც აშშ-ს ამჟამინდელ პირველ ლედის ეძღვნებოდა. მის ავტორს, ამერიკელ კონცეპტუალურ ხელოვანს, ბრედ დაუნს არ ესმოდა, რატომ მიიჩნეოდა ის "უშნოდ", ან რატომ არსებობდა მოლოდინი, რომ ის მელანიასთვის გარეგნულად უნდა მიემსგავსებინა.

ასე გამოიყურებოდა ძეგლი დაწვის შემდეგ.

ფოტო: REUTERS

ახალი, ბრინჯაოს ძეგლი 4 ივლისს, ამერიკის დამოუკიდებლობის დღეს დამწვარი წინამორბედის თითქმის ასლია. "სამუდამოდ რომ გვახსოვდეს ძეგლი, რომელიც აქ იდგა", — წერია მასზე.

ფოტო: Borut Zivulovic

ძეგლის ავტორი ამჯერად ადგილობრივი ხელოვანი მარკო ვივოდაა.

"აქ შევიკრიბეთ, რომ დავაბრუნოთ მელანიას ძეგლი იმ ადგილზე, სადაც ის დაწვეს", — თქვა მან.

მელანია სლოვენიაში 1970 წლის 26 აპრილს დაიბადა. მან ქვეყანა მოდელის კარიერის დაწყებისთანავე დატოვა და მოგვიანებით, 26 წლის ასაკში, ნიუ-იორკში გადავიდა. სწორედ იქ გაიცნო მან მომავალი ქმარი. დონალდ ტრამპის პრეზიდენტად არჩევის შემდეგ, სევნიცას უამრავი ტურისტი სტუმრობს, რომ მელანიას დაბადების ადგილზე მეტი შეიტყოს.

ამავე თემაზე: