"გავუღოთ კარი ნათელ მომავალს, როდესაც ქართველი იქნება მეტად დაფასებული, ვიდრე ნებისმიერი სხვა ეროვნების წარმომადგენელი"; "გვართმევენ იდენტობას და ცდილობენ აღრიონ ჩვენი წმინდა სისხლი სხვა ერებთან"; "საბოლოოდ ისევ შავი გაიმარჯვებს და აღარ იარსებებს ეს ჩვენი თეთრი წმინდა სისხლი" - ამ და სხვა ფაშისტური განცხადებებით, დღეს, თბილისში, ულტრა-ნაციონლისტების ჯგუფმა მორიგი აქცია გამართა. განსხვავებით 27 სექტემბრის მსვლელობისგან, დღევანდელი დემონსტრაცია დაძაბულობის გარეშე დასრულდა.

ფოტო: თორნიკე მანდარია / On.ge

ფოტო: თორნიკე მანდარია / On.ge

ფოტო: თორნიკე მანდარია / On.ge

ულტრა-ნაციონალისტები უცხოელი ლტოლვილების მიღების საწინააღმდეგოდ შეიკრიბნენ. მათთვის მიუღებელია ნებისმიერი უცხოელი ლტოლვილის მიღება, თუმცა განსაკუთრებული ფობია გამოავლინეს შავკანიანი ადამიანების მიმართ, რომლებიც თითქოსდა პოტენციურად ევროპეიდულ რასას გაანადგურებენ და "აღარ იარსებებს თეთრი წმინდა სისხლი."

ფოტო: თორნიკე მანდარია / On.ge

ფოტო: თორნიკე მანდარია / On.ge

ფოტო: თორნიკე მანდარია / On.ge

ერთ-ერთმა დემონსტრანტმა თქვა, რომ ეროვნულ შუღლს არ ქადაგებდა, თუმცა დააყოლა, რომ გლობალიზაციის შედეგად მომავალი თაობის კანის შეფერილობა შავი იქნება და მათ "ბიოლოგიური შეცდომა" უწოდა:

"ელემენტარული ბიოლოგიური განათლება თუ გაქვთ მიხვდებით, რომ შავი დომინანტი ფერია. სწორედ ეს შავი რასები გახდება მომავალი და განადგურდება თეთრი თაობა. გარკვეული თაობა იქნება სრული ბიოლოგიური შეცდომა, რომელიც არ იქნება, არც თეთრი, არც შავი. ექნება ორივეს ნიშნები, მაგრამ საბოლოოდ ისევ შავი გაიმარჯვებს და აღარ იარსებებს ეს ჩვენი თეთრი წმინდა სისხლი."

დღევანდელ აქციაზე მედიასთან ურთიერთობის უფლება არ ჰქონდათ აქციის რიგით მონაწილეებს. ქართულმა ძალამ, 23 დეკემბერს, აქციის მონაწილეებისგან "ჯარისკაცული წესრიგი და მორჩილება" მოითხოვა, და მედიასთან კომუნიკაციის უფლებაც 2-3 ადამიანს მისცა.