შაბათს, 24 დეკემბერს, ულტრა-ნაციონალისტების ჯგუფი, ქართული ძალა ქსენოფობიური მოტივებით აქციის ჩატარებას გეგმავს.

ულტრა-მემარჯვენეები უცხოელი ლტოლვილების მიღების წინააღმდეგ ერთიანდებიან.

ქართული ძალა აქციის მონაწილეებისგან ჯარისკაცულ წესრიგსა და მორჩილებას მოითხოვს. დაწესებულია დრესკოდიც:

"უმჯობესია შავი და მუქი ფერები, დასაშვებია კამუფლირებული შარვალი, მაგრამ ჯარის ფორმებით ნუ მოხვალთ."

ქართული ძალა არის ულტრანაციონალისტური დაჯგუფება, რომელმაც 2016 წლის 26 მაისს თბილისში, რუსთაველის გამზირზე მოაწყო მსვლელობა რასისტული ლოზუნგებით.

ფაშისტური შეძახილებით გაიმართა ქართული ძალის აქცია 27 სექტემბერსაც. დემონსტრაცია რამდენიმე ადამიანის დაკავებით დასრულდა.