სტრატეგია აღმაშენებლის ლიდერს გიორგი ვაშაძეს კორონავირუსზე ტესტირება ჩაუტარდა და თვითიზოლაციაში იმყოფება. მისივე თქმით, აღნიშნული გადაწყვეტილება მას შემდეგ მიიღო, რაც კანონი და სამართალის ერთ-ერთ ლიდერს, თაკო ჩარკვიანს კოვიდ19 დაუდასტურდა.

"ჯანმრთელად ვარ და არანაირი სიმპტომი არ მაქვს. სამწუხაროდ, თაკო ჩარკვიანს და მის მეუღლეს დაუდგინდა კორონავირუსი, ვუსურვებ მალე გამოჯანმრთელებას. ბოლო კონტაქტი 12 დღის წინ მქონდა ზუგდიდში ღია სივრცეში, რადგან თაკოს ოფისი საბურთალოზეა, მე კი ისანში ვარ, ძირითადად და რეგიონებში დავდივარ. მიუხედავად ამისა, ერთი საათის წინ ჩავაბარე როგორც პისიარ, ასევე ანტისხეულებზე ტესტი, პასუხები იქნება ხვალ დილით და მანამდე ვიქნები თვითიზოლაციაში", — წერს გიორგი ვაშაძე.

როგორც გიორგი ვაშაძე ამბობს, თაკოსთან ჩარკვიანთან ყველა კონტაქტში მყოფი პირის გამოკვლევა მიმდინარეობს.

"სიას გადავცემთ ჯანდაცვის სამინისტროს და დაავადებათა კონტროლის ცენტრს, თვითონ ჯერ კავშირზე არ გამოსულან. იმედი მაქვს, იქნება საკმარისი ტესტების მარაგი, რომ ყველას ჩაუტარდეს დიაგნოსტიკა. კიდევ ერთხელ დიდი მადლობა ყურადღებისთვის", — წერს საკუთარ ფეისბუქ გვერდზე გიორგი ვაშაძე.

დღეს სტრატეგია აღმაშენებლის ერთ-ერთი ლიდერმა, თაკო ჩარკვიანმა თავის ფეისბუქზე ინფორმაცია გაავრცელა, სადაც წერს, რომ კორონავირუსი დაუდასტურდა.