დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

აჭარის საზოგადოებრივი ჯანდაცვის ცენტრის დირექტორის, რუსუდან შავიშვილის განცხადებით, აჭარაში გასული დღე ღამის განმავლობაში ინფიცირებული 27 ადამიანიდან 16-ს ინფიცირების წყარო უცნობია. ერთით გაიზარდა ხოფას ბაზრობაზე ვირუსით დაინფიცირებულთა ჯგუფი. ტერიტორიაზე ეპიდემიოლოგთა რეკომენდაციით საქმიანობის გაგრძელება ისევ აკრძალულია.

COVID-19 დაუდასტურდა სამშობიარო სახლის ერთ თანამშრომელსა და ორ მასთან კონტაქტში მყოფ პირს. ასევე, იუსტიციის სახლის თანამშრომლის ოჯახის წევრს. ინფიცირების პირველი შემთხვევა გამოვლინდა ბათუმის ნავსადგურსა და ერთ-ერთ სახელოვნებო სკოლაში, ინფიცირებულია სკოლის ერთ-ერთი პედაგოგი. ამ დრომდე ვერ დგინდება ერთ-ერთ საჯარო სკოლის ინფიცირებული პედაგოგის ინფიცირების წყარო.

"ინფიცირებულები, ძირითადად, გახლავთ ოჯახური კონტაქტები. მათ შორის კარანტინში არის ერთი იმპორტირებული შემთხვევა", — განაცხადა შავიშვილმა ჟურნალისტებთან საუბარში.

ჯამში ამ დროისათვის რეგიონში კოვიდ ცენტრში 122 ინფიცირებულია მოთავსებული.

ქვეყნის მასშტაბით, 10 სექტემბრის მონაცემებით, კორონავირუსის 57 ახალი შემთხვევა გამოვლინდა, გამოჯანმრთელდა 9 პაციენტი.