ცენტრალური საარჩევნო კომისიის თავმჯდომარის თამარ ჟვანიას თქმით, არჩევნებზე მოქალაქეებს ინდივიდუალური კალმები დაურიგდებათ. ამის შესახებ მან პალიტრანიუსის ეთერში განაცხადა.

"ვგეგმავთ, ყველა ამომრჩეველს ინდივიდუალური, არავის მოხმარებული რომ არ არის, ასეთი კალმები შევთავაზოთ. კალმები იქნება ერთგვაროვანი, ყველასთვის ხელმისაწვდომი და რა თქმა უნდა, ამ კალამს ამომრჩევლები მიიღებენ ერთჯერადად გამოყენებისთვის. სახლიდან თუ ვინმე წამოიღებს თავის კალამს მას, რა თქმა უნდა, შესაძლებლობა ექნება ის გამოიყენოს. მაგრამ ჩვენც ვგეგმავთ ამომრჩეველს შევთავაზოთ ინდივიდუალური კალამი", — განაცხადა თამარ ჟვანიამ.

საქართველოს პრეზიდენტმა პარლამენტისა და აჭარის ავტონომიური რესპუბლიკის უმაღლესი საბჭოს არჩევნების თარიღად 31 ოქტომბერი დაასახელა.