საქართველოს პრეზიდენტი, სალომე ზურაბიშვილი აცხადებს, რომ ღირსეული პარტნიორის ფარგლებში მრავალეროვნულ სწავლებას მიესალმება და აღნიშნავს, რომ ეს სტაბილურობისა და მშვიდობის განმტკიცებას ემსახურება. ღირსეული პარტნიორი 2020-ში საქართველოს თავდაცვის ძალებთან ერთად, მონაწილეობას ნატო-ს ოთხი წევრი ქვეყნის — აშშ-ს, დიდი ბრიტანეთის, საფრანგეთისა და პოლონეთის წარმომადგენლები იღებენ.

"უმნიშვნელოვანესია ამ საერთაშორისო წვრთნის როლი საქართველოს თავდაცვისუნარიანობის გაძლიერებისა და ევროატლანტიკური ინტეგრაციის მიმართულებით, რაც საბოლოო ჯამში სტაბილურობისა და მშვიდობის განმტკიცებას ემსახურება",— აცხადებს პრეზიდენტი.

საქართველოში მრავალეროვნული წვრთნები, ღირსეული პარტნიორი 2020 დაიწყო. პროგრამის მასპინძელი საქართველო უკვე მეხუთედ გახდა.

მრავალეროვნულ წვრთნაში საქართველოს, აშშ-ს, გაერთიანებული სამეფოს, პოლონეთისა და საფრანგეთის 2 700-ზე მეტი სამხედრო მოსამსახურე მიიღებს მონაწილეობას. საქართველოს თავდაცვის ძალების შეიარაღებაში არსებული ჯავშანტექნიკის, საბრძოლო მანქანებისა და საარტილერიო სისტემების გარდა, სწავლებაში ჩართული იქნება ამერიკის შეერთებული შტატების საფრენი საშუალებები და ჯავშანტექნიკა.

NATO-სთან და აშშ-სთან თანამშრომლობის ფარგლებში ჩატარებული წვრთნები არაერთხელ გამხდარა რუსეთისა და საოკუპაციო რეჟიმების წარმომადგენლების გაღიზიანების მიზეზი.