დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით, ე.წ. აჭარის ტელევიზიის კლასტერი, დიდი ალბათობით, არ ჩამოყალიბდება. მისი განცხადებით, იქ ეპიდემიოლოგები აქტიურად მუშაობენ, რომ კონტაქტები, საჭიროების შემთხვევაში, თვითიზოლაციაში ან კარანტინში გადაიყვანონ.

"იქ აქტიურად მუშაობს აჭარის საზოგადოებრივი ჯანდაცვის სამსახური. ამ ეტაპზე ყველა გამოკვლეულია, გარდა იმ ერთი შემთხვევისა, ყველა უარყოფითია, მაგრამ გარკვეული პერიოდის განმავლობაში მათ დაკვირვება სჭირდებათ, რომ შემდგომ შესაბამისი გადაწყვეტილებები მიიღონ", — აცხადებს გამყრელიძე.

5 სექტემბერს, აჭარის საზოგადოებრივმა მაუწყებლმა გაავრცელა ინფორმაცია, რომ მათ თანამშრომელს კორონავირუსი დაუდასტურდა. ამის შემდეგ, საინფორმაციო სამსახურმა მუშაობა დროებით შეწყვიტა.

6 სექტემბრის მონაცემებით, საქართველოში კორონავირუსის 29 ახალი შემთხვევა გამოვლინდა, 8 ადამიანი გამოჯანმრთელდა.

ჯამში, საქართველოში კორონავირუსის დადასტურებულ შემთხვევათა რაოდენობა 1 650-მდე გაიზარდა, ამათგან 1 310 უკვე გამოჯანმრთელდა, 19 კი გარდაიცვალა. კარანტინის რეჟიმში იმყოფება 6 020, სტაციონარში მეთვალყურეობის ქვეშ კი — 299.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: