ოკუპირებულ აფხაზეთში ომის მონაწილე ვეტერანების გაერთიანება არუაამ ირმა ინაშვილის გადაცემული ხატის დასაბრუნებლად აქცია მოაწყო. ამის შესახებ ინფორმაცია გამოცემა Apsnypublic-მა გავრცელა.

მედიის ცნობით, სოხუმში გამართულ აქციაზე, არუაას მხარდამჭერმა, ნაირა ამალიიამ აფხაზეთის მართლმადიდებელი ეკლესიის საეკლესიო საბჭოს მეთაურს განუმარტა, რომ "ეს საეკლესიო თემა არ არის, პოლიტიკურ საკითხი წყდება".

ამალიისა თქმით, ხატს არუაას მომხრეები საოკუპაციო ხაზთან მიიტანენ. ხატი იქ მანამ იქნება, სანამ პატრიოტთა ალიანსი მის უკან დაბრუნებას არ უზრუნველყოფს.

"ეს არის უწმინდური ხატი. საქართველოს პატრიარქმა მის მიღებაზე უარი თქვა. ქართველმა პოლიტიკოსებმა მოიტანეს, ჩვენ კი მას უკან ვაბრუნებთ. არავის აქვს უფლება, აფხაზ მორწმუნეებს დასცინოს", — განაცხადა ნაირა ამალიიამ.

მისივე თქმით, მათმა ე.წ. პრეზიდენტმა განაცხადა, რომ შეცდა, ისინი კი მზად არიან, "შეცდომა გამოასწორონ".