თურქმენეთის პრეზიდენტმა, გურბანგული ბერდიმუჰამედოვმა საჩვენებელი სროლა გამართა და ჯარისკაცების ტაშის ფონზე რამდენჯერმე თვითონაც გაისროლა. საჩვენებელ სროლაში თავდაცვისა და შინაგან საქმეთა სამინისტროების მაღალჩინოსნებმაც მიიღეს მონაწილეობა.

2 სექტემბერს თურქმენეთის პრეზიდენტმა უსაფრთხოების სამსახურის გასვლითი შეხვედრა ჩაატარა. ორი იარაღიდან სროლის შემდეგ, მან მინიგანის ტიპის ტყვიამფრქვევიდან კასრები ააფეთქა. როგორც თურქმენეთის სახელისუფლებო მედია წერს, ბერდიმუჰამედოვმა "საბრძოლო იარაღის უნაკლო ფლობის უნარები გამოავლინა".

თურქმენეთის ლიდერი ცნობილია თავისი არაორდინარული ქმედებებით. მაგალითად, მან რეპი წაუკითხა თავის ცხენს, შეითავსა DJ-ის ფუნქციაც და 40-წელს გადაშორებულ მაღალჩინოსან კაცებს დაავალა, ჭაღარა თმა ატარონ.

გურბანგული ბერდიმუჰამედოვი თურქემენეთის პრეზიდენტი 2006 წლის 21 დეკემბერს გახდა და მას შემდეგ ქვეყნის სათავეში დგას. უფლებადამცველი ორგანიზაციების განცხადებით, თურქმენეთი ერთ-ერთი ყველაზე ჩაკეტილი ქვეყანაა, სადაც ადამიანის უფლებებს უგულებელყოფენ და სიტყვის თავისუფლებას დევნიან.