ევროპული საქართველოს საარჩევნო შტაბის ხელმძღავნელი, სერგი კაპანაძე ასლან ბჟანიას განცხადებას ეხმაურება.

სერგი კაპანაძის თქმით, როგორც ბჟანიას განცხადებები, ისე პატრიოტთა ალიანსის ქმედებები, არის რუსეთის დაკვეთა, ხოლო საქართველოს ხელისუფლების სიჩუმე და ამ საქმის არგამოძიება არის სამარცხვინო და ამ ყველაფერს სჭირდება გარდამტეხი ცვლილებები.

"მიმაჩნია, რომ როგორც ბჟანიას განცხადებები, ისე ის მასალები, რომლებიც გავრცელდა დოსიეს მიერ, განცხადებები, ინფორმაცია და დოკუმენტები, სადაც პირდაპირ არის კავშირები პატრიოტთა ალიანსსა და რუსეთს შორის, გასაკვირი არ არის. პატრიოტთა ალიანსს ადრეც აქვს გაკეთებული განცხადებები და ამანაც მიიპყრო ყურადღება ოკუპირებულ რეგიონში, რომ აღიარება შეიძლება იყოს შესაძლებელი. ჩვენ ვნახეთ, თუ როგორი ტიპის პროპაგანდას ეწევიან ისინი, როდესაც თურქულ საფრთხეზე და აჭარის ოკუპაციაზე საუბრობენ, ამგვარი განცხადებები ჩვენთვის გასაკვირი არ არის, არც ეს შეფასებები არ არის გასაკვირი.

ჩვენთვის გასაკვირია დამოკიდებულება ქართული ოცნების მხრიდან, რომლისთვისაც არაფერს მნიშვნელობა არ აქვს. მათთვის არც გამოძიება არ არის მნიშვნელოვანი, რომ ამ საკითხს ნათელი მოჰფინოს, არც იმის გარკვევა არის მნიშვნელოვანი, თუ როგორ და რა გზებით ერევა რუსეთი ჩვენ არჩევნებში და დღეს ადამ კიზინგერის, ჩვენი დიდი მეგობრის განცხადება, რომელიც ზუსტად ამაზე საუბრობს და გამოხატავს შეშფოთებას, რომ რუსეთი ერევა ჩვენ არჩევნებში, არის მკაფიო მაგალითი ჩვენი მეგობრობის. მსგავსი განცხადება არ გვინახავს ქართული ოცნების მხრიდან, ეს არის კონტრასტი, ეს არის, რაც უნდა შეიცვალოს და ამიტომ გვჭირდება გარდამტეხი ცვლილებები, რომ ასეთი ხელისუფლება აღარ გვყავდეს, რომელიც იმას არ აკეთებს, რაც ევალება და ჩვენი მეგობრებისაგან გვესმის ის, რაც უნდა გვესმოდეს ჩვენი ხელისფლებისაგან," — აცხადებს სერგი კაპანაძე.