გიორგი შაქარაშვილის საქმეზე გამოძიებისთვის ცრუ ინფორმაციის მიწოდების ბრალდებით ერთი ადამიანი დააკავეს. ამის შესახებ ინფორმაციას პროკურატურა ავრცელებს.

უწყების ცნობით, ივლისში მოქალაქემ განაცხადა, რომ შეესწრო შაქარაშვილის საქმის ფიგურანტისა და 3 სხვა პირის საუბარს და ისინი საქმის დეტალებს განიხილავდნენ. მათი თქმით, დაადგინეს, რომ ეს ამბავი გამოგონილია, რადგან დროის იმ მონაკვეთში, რომელზეც მოწმე ამტკიცებდა, რომ საუბარი მოისმინა, სახლში იმყოფებოდა.

დაკავებულის მიმართ სისხლისსამართლებრივი დევნა სისხლის სამართლის კოდექსის 370-ე მუხლის მე-2 და მე-3 ნაწილით დაიწყო, რაც ითვალისწინებს გამოძიებისთვის ცრუ ჩვენების მიცემას ანგარებით ან სხვა პირადი მოტივით სისხლის სამართლის საქმეზე, რომელშიც ბრალდებულს ბრალი ედება მძიმე ან განსაკუთრებით მძიმე დანაშაულის ჩადენაში.