საქართველოს შინაგან საქმეთა სამინისტროს ინფორმაციით, საქართველოს საზღვრის უკანონოდ, ჯგუფურად გადმოკვეთის ბრალდებით ინდოეთის სამი მოქალაქე დააკავეს.

"გამოძიებამ დაადგინა, რომ ბრალდებულებმა სომხეთის რესპუბლიკიდან ჯგუფურად, უკანონოდ გადმოკვეთეს საქართველოს სახელმწიფო საზღვარი", — აღნიშნავენ უწყებაში.

მათივე ინფორმაციით, გამოძიება საქართველოს სახელმწიფო საზღვრის უკანონოდ, ჯგუფურად გადაკვეთის ფაქტებზე, საქართველოს სისხლის სამართლის კოდექსის 344-ე მუხლის მე-2 ნაწილის "ა" ქვეპუნქტით მიმდინარეობს.

უწყებაში საზღვრის უკანონო კვეთის სტატისტიკაზეც საუბრობენ და აღნიშნავენ, რომ სასაზღვრო პოლიციამ 2020 წლის განმავლობაში, საქართველოს სახელმწიფო საზღვრის უკანონოდ გადაკვეთის და გადაკვეთის მცდელობის ბრალდებით, პასუხისგებაში მისცა სხვადასხვა ქვეყნის 92 მოქალაქე, მათ შორის:

  • თურქეთის რესპუბლიკის —35;
  • ინდოეთის — 9;
  • ირანის — 4;
  • პალესტინის — 4;
  • მაროკოს — 1;
  • ალჟირის —1.