ვინ თქვა, რომ საახალწლო საჩუქრები მხოლოდ სპეციალურ ქაღალდში უნდა შეიფუთოს? არსებობს სხვა უფრო ორიგინალური და სახალისო გზებიც.

ძველი ჟურნალ-გაზეთები, სასკოლო რვეულები ან სხვადასხვა უცნაური წარმომავლობის ქაღალდი ყველა სახლში მოიძებნება, ამიტომ განაგრძე კითხვა და აღმოაჩინე უცნაური და განსხვავებული შეფუთვის ხერხები.

ლავაში

ფოტო: Zack Quinn

ეს საჩუქარი ძალიან გაახარებს იმას, ვისაც შაურმა უყვარს. წიწაკა არ ჩადოთ!

ძველი ქვითრები

ფოტო: Austyn Platte

საჩუქრის შესაფუთად ძველი და უსარგებლო ქვითრებიც გამოგადგებათ.

სასაჩუქრე ქაღალდის ნარჩენები

ფოტო: Jodi Rager

თუ სასაჩუქრე ქაღალდებისგან მხოლოდ ნარჩენები დაგრჩათ, კრეატიულობას მოუხმეთ. თქვენი შეფუთვა ყველაზე მრავალფეროვანი გამოვა.

ფილმის პოსტერი

ფოტო: Alex Weinstein

ფილმის პოსტერიც ადვილად გასამეტებელია. გააჩნია, რა ფილმია.

სკოლის ტესტები

ფოტო: Steph

გასწორებული ნამუშევრების დანახვა თუ არასასიამოვნო შეგრძნებებს აღგიძრავთ, შეგიძლიათ სხვა გამოყენება მოუძებნოთ.

ნაგვის ცელოფანი და გაზეთები

ფოტო: Pikake

ბოლოს შეფუთვა მაინც ნაგავში უნდა აღმოჩნდეს. ასე რომ, პირდაპირ ნაგვის ცელოფანი გამოიყენეთ.

დაბადების დღის მისალოცი ქაღალდი

ფოტო: Molly

დაბადების დღის მისალოცი ქაღალდი რომ შობისთვისაც გამოგადგეთ, საკმარისია მილოცვაში "იესო" ჩაამატოთ.