საბანკო სესხების გადავადების მოთხოვნით ქობულეთში საპროტესტო აქცია მიმდინარეობს.

"მოსახლეობის მოთხოვნა არის წლევანდელი საბანკო ვალდებულებების შეჩერება, განულება. საპროცენტო დანამატების გარეშე. ეს, მგონი, სამართლიანი მოთხოვნაა. მერიის მიერ მოცემული დაპირება საპროცენტო სუბსიდირებას შეეხებოდა, ეს ჩვენთვის მიუღებელია. მათ უნდა გააუქმონ წლევანდელი საბანკო ვალდებულებები", — ამბობს ერთ-ერთი მომიტინგზე აჭარის საზოგადოებრივი მაუწყებლის ეთერში.

აქციაზე იმყოფება უფლებადამცველი თამაზ ბაკურიძეც, რომელიც მიიჩნევს, რომ მოთხოვნა სამართლიანია და ამბობს, რომ ტურისტული სეზონი ჯერ კიდევ "გავრილოვის ღამის" შემდეგ ჩავარდა, წელს კი პანდემიის გამო ტურისტების შემოსვლა შემცირდა.