2016 წელი დიდი ვარსკვლავების გარდაცვალების წელიწადად აღიარეს და ეს ტენდენცია, სამწუხაროდ, ისევ გრძელდება. ამჯერად ჰოლივუდის ლეგანდარული უნგრელ-ამერიკელი მსახიობი ჟა ჟა გაბორი გარდაიცვალა.

გაბორი 1917 წელს უნგრეთში დაიბადა, მეორე მსოფლიო ომის დროს კი აშშ-ში წავიდა, სადაც სამსახიობო კარიერა 1952 წელს დაიწყო.

მრავალწლიანი კარიერის განმავლობაში გაბორმა 70-ზე მეტ ფილმში ითამაშა (მულენ რუჟი, ლილი, საზოგადოების ნომერ პირველი მტერი) და საზოგადოებას თავი სკანდალური პირადი ცხოვრებითაც დაამახსოვრა.

გაბორი სიცოცხლის ბოლო წლებში ხშირად ავადმყოფობდა. 2011 წლის დასაწყისში ექიმებმა მას განგრენის გამო მარჯვენა ფეხი მოჰკვეთეს, 2015 წელს კი მას ერთადერთი შვილი გარდაეცვალა.