"ეს არის, უბრალოდ, ეჭვიანობა იმ მზარდ მხარდაჭერაზე, რაც სტრატეგია აღმაშენებლის გუნდს აქვს", — ასე შეაფასა გიორგი ვაშაძემ ენმ-ის მიერ ისნის რაიონში საკუთარი კანდიდატის, ხატია დეკანოიძის დაყენება. ამის შესახებ მან TV პირველის ეთერში ისაუბრა.

ვაშაძის თქმით, თავად არავის დაპირისპირებია და პირიქით, ერთიანი ნაციონალური მოძრაობის ეს გადაწყვეტილება სიტყვის გატეხვა და შეთანხმების დარღვევაა. თუმცა მათი ამ გადაწყვეტილებით არაფერი იცვლება და ვაშაძე ენმ-ს მათთან ერთად "კოალიციაში ხედავს".

ხოლო რაც შეეხება ქართულ ოცნებასთან კოალიციას, ვაშაძემ განაცხადა, რომ მსგავსი რამ "ვერცერთ შემთხვევაში" ვერ მოხდება, თუმცა აღნიშნა, რომ ყველა პრო დასავლურ ძალას "ხედავს მათთან ერთად კოალიციაში".

ერთიანმა ნაციონალურმა მოძრაობამ ისანში მაჟორიტარობის კანდიდატად ხატია დეკანოიძე დაასახელა. მანამდე კი გიორგი ვაშაძე ოპოზიციის გაერთიანების საერთო კანდიდატებს შორის იყო დასახელებული იქამდე, სანამ ძალა ერთობაშიას დატოვებდა.

დეკანოიძის განცხადებით, მას შემდეგ, რაც ისნის რაიონში ერთიანი ოპოზიციის კანდიდატი აღარ წარადგინეს, პოლიტიკური რეალობა შეიცვალა და ენმ-მა საკუთარი კანდიდატიც ამიტომ დააყენა.