თელავის საკრებულოს დეპუტატი, მიხეილ გრემელაშვილი თელავის რაიონულმა სასამართლომ პატიმრობაში დატოვა. ინფორმაცია ამის შესახებ პრესსამსახურმა On.ge-ს დაუდასტურა.

მათივე ინფორმაციით, გრემელაშვილის ადვოკატი გირაოს ითხოვდა, რაც მოსამართლემ არ დააკმაყოფილა.

მიხეილ გრემელაშვილი თელავის საკრებულოს ფრაქცია პატრიოტთა ალიანსის თავმჯდომარის მოადგილეა. ის პოლიციამ 8 ივლისს ოჯახის წევრების მიმართ განხორციელებული მუქარის, ოჯახში ძალადობის, ცეცხლსასროლი იარაღისა და საბრძოლო მასალის უკანონო შეძენა-შენახვის ბრალდებით დააკავა.