თბილისში, ჩეჩელაშვილის ქუჩაზე ადამიანის მკვლელობის საქმეზე შინაგან საქმეთა სამინისტრომ ორი პირი დააკავა. ერთს ბრალად ედება განზრახ მკვლელობა, მეორეს კი დანაშაულის შეუტყობინებლობა.

უწყების ცნობით, მკვლელობაში ბრალდებული მომხდარის შემდეგ შემთხვევის ადგილიდან მიიმალა, დაჭრილი კი საავადმყოფოში გადაყვანის შემდეგ გარდაიცვალა.

გამოძიება განზრახ მკვლელობისა და განსაკუთრებით მძიმე დანაშაულის დაფარვის საქმეზე საქართველოს სისხლის სამართლის კოდექსის 108-ე და 367-ე მუხლის მე-3 ნაწილით მიმდინარეობს, რაც ითვალისწინებს თავისუფლების აღკვეთას ვადით 7-დან 15 და 3-დან 7 წლამდე.