თეთრიწყაროში მაჟორიტარი დეპუტატობის კანდიდატის წარდგენის დროს პარლამენტის თავმჯდომარემ, არჩილ თალაკვაძემ განაცხადა, რომ ქართული ოცნება საარჩევნო სიებს სექტემბერში წარადგენს.

"სიაში იქნებიან ჩვენი გუნდის გამოცდილი წევრები და, ასევე, იქნებიან ახალი თანაგუნდელებიც, რომლებიც მეტ ენერგიას და მეტ მოტივაციას შემოიტანენ გუნდში. მათ შორის, მინდა გითხრათ, რომ იქნებიან წარმოდგენილები ქალი პოლიტიკოსები, ვინაიდან ჩვენ მივიღეთ მნიშვნელოვანი საკანონმდებლო ცვლილებები ქალთა პოლიტიკაში მონაწილეობის მხარდასაჭერად", — განაცხადა თალაკვაძემ.

ქართულმა ოცნებამ მაჟორიტარი დეპუტატობის კანდიდატები 20 ივლისს დაასახელა. მმართველმა გუნდა მაჟორიტარები 30-ვე ერთმანდატიან მაჟორიტარულ ოლქში წარადგინა, აქედან 8 თბილისში, 22 კი რეგიონებში.