პატრიოტთა ალიანსში არც ადასტურებენ და არც უარყოფენ, რომ პარტიის ლიდერები, ირმა ინაშვილი და დავით თარხან-მოურავი 18 აგვისტოს ოკუპირებულ აფხაზეთში იმყოფებოდნენ. ინფორმაცია მათი სავარუადო ვიზიტის შესახებ მთავარმა არხმა გაავრცელა.

ტელეკომპანიას ალიანსის ვიზიტის შესახებ რამდენიმე წყარო ესაუბრა. მათთან ინტევიუში ამ ინფორმაციას ადასტურებენ სასწრაფო-სამედიცინო დახმარების ექიმები, რომელთა თქმითაც, პარტიის ლიდერები საკარანტინე ზონაში გადაიყვანეს.

პარტიაში On.ge-ს განუცხადეს, რომ გავრცელებულ ინფორმაციაზე არანაირ კომენტარს არ გააკეთებენ და განაცხადეს: "არც ვადასტურებთ, არც უარვყოფთ".

ოკუპირებული აფხაზეთი საოკუპაციო რეჟიმის გადაწყვეტილებით 27 თებერვლის შემდეგ ჩაკეტილია და რეგიონში დევნილებისთვის გადასვლა შეზღუდულია.