საქართველოს პრემიერმინისტრმა, გიორგი გახარიამ განაცხადა, რომ საწარმოების განვითარებაზე, ბიზნესის მხარდაჭერაზე, სამუშაო ადგილების შექმნაზე საუბრის პარალელურად დროა ყურადღება ქვეყნის ეკოლოგიას დაეთმოს.

"ჩვენ, უკვე ქვეყანამ განვითარების ისეთ დონეს მივაღწიეთ, რომ სამუშაო ადგილი ნებისმიერ ფასად უკვე აღარ უნდა გვაკმაყოფილებდეს და ყველამ კარგად ვიცით რა დონის ეკოლოგიური პრობლემები არის რუსთავში [...] რუსთაველების სამართლიანი გაბრაზება იმასთან დაკავშირებით, რომ ქალაქის ეკოლოგია არის მისახედი ჩვენის მხრიდან იყო სერიოზულად აღქმული, ამიტომ უახლოეს პერიოდში, რუსთავს ექნება ჰაერის სისუფთავის მართვის გეგმა", — აცხადებს გახარია.

მისი განცხადებით, 2021 წლიდან ძალაში შევა ახალი კანონმდებლობა, რის მიხედვითაც დაჯარიმდებიან კომპანიები, რომლებიც ბუნებასა და ეკოლოგიას პირდაპირ ზიანს აყენებენ.

"ეს ყველაფერი სწრაფად იქნება დამტკიცებული, რაც ჩვენ გვაძლევს საკანონმდებლო საფუძველს, ის კომპანიები, რომლებიც არაკეთილსინდისიერად იქცევიან, კანონიერად მოვთხოვოთ ეკოლოგიური ნორმების დაცვას, მერწმუნეთ, ეს მოხდება უმკაცრესად. აქამდე რაც ხდებოდა, უბრალოდ კომპანიებისვთის უფრო მომგებიანი იყო ამ მცირე ჯარიმების გადახდა და არავინ არ ფიქრობდა სისტემურად ეკოლოგიურ გარემოზე ზიანის შემსუბუქებაზე. ის საკანონმდებლო ცვლილებები, რაც ახლა განხორციელდება იქნება უმკაცრესი სერიოზული ჯარიმებით, რისი ძირითადი პრინციპი იქნება აბსოულუტურად ევროპული მიდგომა. ზიანი ბუნებას, ჰაერს, ეკოლოგიას და პირდაპირ დამაზიანებლის სწრაფად და მაქსიმალურად დასჯა, ეს ის პირობებია და ის ფუნდამენტია, სადაც გპირდებით რომ კომპრომისს არ დავუშვებთ", — განაცხადა პრემიერმა.

დღეს ქართულმა ოცნებამ რუსთაველებს მაჟორიტარ დეპუტატად ნინო ლაცაბიძე წარუდგინა.