პრემიერმინისტრის, გიორგი გახარიას მიერ დღეს მთავრობის სხდომაზე წარმოდგენილ სოციალური დახმარების ახალ პაკეტს, ოპოზიცია მოახლოვებულ არჩევნებს უკავშირებს. ნაციონალური მოძრაობის პოლიტსაბჭოს წევრი სალომე სამადაშვილი ამბობს, რომ ეს წინადადებები გახარიამ წაგების შიშის გამო გააჟღერა. მისი თქმით, ეს დახმარებები აბსოლუტურად არის აცდენილი მოსახლეობის რეალურ საჭიროებებს.

"ის წინადადებაც კი, რომელიც მოახლოებული არჩევნებისა და წაგების შიშით გახარიამ გაჟღერა, არის რეალურად ძალიან აცდენაში იმ საჭიროებებთნ, რაც აქვს ჩვენს მოქალაქეებს და საზოგადოებას. გარდა ამისა, დახმარებების გარდა, ბატონმა გახარიამ თუ შეიძლება აუხსნას მოსახლეობას, რა არის სახელმწიფო პოლიტიკა, რაც შეეხება ბიზნესის გახსნას, იმ პირობების შექმნას, რაც ბიზნესს მისცემს გადარჩენის შესაძლებლობას, რადგან ქვეყნის ტურისტებისტვის თუ ვიზიტორებითვის გახნის პოლიტიკა არის სრულიად აუხსნელი", — განაცხადა სამადაშვილმა.

დღეს, 6 აგვისტოს, ცნობილი გახდა, რომ კორონავირუსის პერიოდში მოქალაქეების კომპენსაციის ფარგლებში 200-ლარიან ერთჯერად დახმარებას მიიღებს 17 ასაკის წლამდე ყველ ბავშვი, გახანგრძლივდება კომუნალური გადასახადების პროგრამა, კომპენსაციას მიიღებენ ის თვითდასაქმებულებიც, რომლებსაც არასრული დოკუმენტაცია ჰქონდათ და ასევე, სოციალურად დაუცველ სტუდენტებს ერთი სემესტრის სწავლის საფასური აუნაზღაურდებათ.

გიორგი გახარიამ მთავრობის სხდომის შემდეგ გამართულ ბრიფინგზე განაცხადა, რომ ამ ინიციატივას არჩევნებთნ კავშირი არ აქვს და მოსალოდნელი იყო ოპოზიციის მხრიდან ამით სპეკულირება.

მისივე განცხადებით, "შევდივართ გრძელვადიან, ღრმა ეკონომიკურ კრიზისში". მისივე თქმით, თუ ასე გაგრძელდა, მომავალი წლის დასაწყისში კიდევ ერთი სოციალური პაკეტის გამოცხადება მოუწევთ