ტერაქტის შემდეგ თურქეთში პოლიციამ რეიდები დაიწყო, რომლის შემდეგაც ოპოზიციური, სახალხო დემოკრატიული პარტიის 118 წევრი ტერორიზმთან და ქურთების მშრომელთა პარტიასთან კავშირის ბრალდებით დააკავეს. ინფორმაციას თურქული მედია ავრცელებს.

პოლიტიკოსები სტამბოლში, ანკარაში, ადანაში, მანისასა და მერსინში აიყვანეს. მათი ნაწილი დილით ადრე სამსახურიდან გამოიყვანეს.

თურქეთში პოლიციის რეიდები სტამბოლის ცენტრში მომხდარ ორი ძლიერი აფეთქებას მოჰყვა, რომელიც 10 დეკემბერს მოხდა და ბოლო მონაცემებით 38 ადამიანი იმსხვერპლა, მათ შორის უმეტესობა პოლიციელია. ტერაქტზე პასუხისმგებლობა ქურთულმა დაჯგუფებამ აიღო.

დაჯგუფება, რომელმაც ტერაქტზე პასუხისმგებლობა აიღო, ქურთების მშრომელთა პარტიას არ წარმოადგენს. ტერაქტზე პასუხისმგებლობა ქურთულმა დაჯგუფებამ აიღო და არა ქურთების მშრომელთა პარტიამ.

რას წარმოადგენს ქურთების მშრომელთა პარტია

დაჯგუფება, რომელსაც მარქსისტულ-ლენინისტური ფესვები აქვს, 1970 წელს ჩამოყალიბდა და 1984 წელს, თურქეთის მთავრობის წინააღმდეგ შეიარაღებული ბრძოლა წამოიწყო.

BBC-სთან ინტერვიუში დაჯგუფების სამხედრო ლიდერმა ჩენილ ბაიკმა განაცხადა, რომ მათ არ სურდათ თურქეთისგან გამოყოფა და სახელმწიფოს შექმნა:

"ჩვენ გვინდა, რომ ვიცხოვროთ თურქეთის საზღვრებში, ჩვენს საკუთარ მიწაზე, თავისუფლად. ბრძოლა მანამ გაგრძელდება, სანამ ქურთების უფლებებს არ აღიარებენ".

ამავე დროს, თურქეთი მათ ადანაშაულებს, რომ ქურთების მშრომელთა პარტიას თურქეთისგან განცალკევებით, სახელმწიფოს შემქნა სურს.