ცოტა ხნის წინ სტამბოლის ცენტრში ორი ძლიერი აფეთქება მოხდა. ადგილობრივი მედიის ცნობით, ერთი აფეთქების ხმა გაისმა ტაქსიმის მოედანთან ახლოს, მეორე კი საფეხბურთო კლუბ ბეშიქთაშის სტადიონის მიმდებარედ, სადაც საფეხბურთო მატჩი ბეშიქთაშსა და ბურსასპორს შორის ახალი დამთავრებული იყო.

როგორც თვითმხილველები ტვიტერზე წერენ, აფეთქების ხმა ძლიერი იყო, შემთხვევის ადგილები კვამლშია გახვეული და მობილიზებულია პოლიცია.

ჯერჯერობით არ ვრცელდება ინფორმაცია მსხვერპლისა და დაშავებულების შესახებ. როგორც თურქული სააგენტოები იტყობინებიან, ერთი აფეთქების სამიზნე სპეცრაზმელთა ავტომობილი იყო, რომელიც სტადიონთან გადაადგილდებოდა.

განახლება: CNN Turk–ს თურქეთის შინაგან საქმეთა მინისტრმა განუცხადა, რომ აფეთქების მიზეზი დანაღმული ავტომობილი იყო. უახლესი მონაცემებით, დაშავებულია, სულ მცირე, 20 ადამიანი.